رواية حبيبي المدير الفصل الثالث للكاتبة شيماء صبحي

احلام:ال٢٠ الف اللي كنت هدفعهم غرامه علشان كنت هخبط العسكري في الكمين؟

ضحك الظابط وقال:الظاهر ان تامر باشا كان بيهزر معاكي بس لو في غرامه فعلا هتدفعيها فهيا مبلغ بسيط لانك مسببتيش اي آذي لحد ، بس مش مشكله كلنا اخوات يعني ومحلوله المهم دلوقت خلي بالك من نفسك وانتبهي وانتي سايقه؟

احلام اتصدمت من كلامه وهوا سابها وخرج وشاورلها تخرج بسرعه علشان هيقفلوا الباب

فركبت عربيتها بسرعه وساقتها لحدما خرجت من المخزن .

الظابط ركب عربيته وشاورلها تمشي وبعدها اتحرك من قدامها فهزت راسها بالموافقه وشغلت عربيتها وخرجت من المكان كله واتجهت لبيتها.!

___________

في قصر الصياد.

وصل ماهر وحمزه واول ما دخلوا من البوابه خرج حمزه بسرعه من العربيه واتجه لداخل القصر وطلع لاوضته ولاكن قبل ما يقفل الباب كانت ايد ماهر بتمنعه.

حمزه قال بضيق:انا تعبان ومحتاج ارتاح خلينا نأخل كلامنا لبكره؟

دفعه ماهر للداخل وقرب منه وقال:انت عارف اللي انت عملته النهارده ده عقابه ايه؟

حمزه هز راسه وقال:انا اسف يا ماهر بس انا مكنتش غلطان دا هو چو ابن ال** اللي جر شكلي الأول.

ماهر قرب من حمزه ومسكه من هدومه وقال:انا حظرتك قبل كده يا حمزه تاخد بالك من تصرفاتك متنساش ان اسمك مربوط باسمي دلوقت وانا ليا سمعتي ومش كل شويه هاجي اخدك من قسم مختلف .

حمزه لف وشه بضيق ورجع بصله وقال:انت ليه مش عايز تصدقني؟

ماهر سابه وقال بتحذير: انت اللي اخترت انك تشتغل معايا يبق تعيش وتتعامل بالطريقه اللي اقولك عليها .

حمزه بص لماهر بضيق وقال:بس انا معملتش حاجه قولتلك هو اللي بدأ جر شكل… .

ماهر قاطع كلامه وقال:انت بق شايف ان الموضوع سهل ؟…..انت مش واخد بالك يا استاذ انك نضجت يعني مش عايز اسمع كلام العيال دا تاني ..،…انا قولت ممنوع تروح المكان دا وتبعد عن العيال دي يبق كلامي يتسمع ولاكن انت مبتحرمش مش عاوز تكبر ابداا ؟

حمزه ضـ،ـرب الحيطة بغضب وقال:كفاية ضغط عليا بق يا ماهر وبعدين انا مش ألة علشان تتحكم فيا بالشكل دا انا بني ادم يعني بغلط وبضعف هو انت ايه مبتغلطش ابدا؟

ماهر بصله بلوم وقال:لا مبغلطش يا حمزه علشان انا بحسب كل خطوه ١٠٠ مره قبل ما اخطيها بس لو انت شايفني بغلط فغلطتي الوحيده هيا انت يا حمزه كنت غلط لما وافقت اجيبك هنا معايا علشان انت مكانك مش هنا انت مكانك معاهم علشان انت شبههم يا حمزه؟

حمزه سكت وهوا شايف ماهر بيضغط علي ايديه علشان يتمالك اعصابه فهز راسه وقال:خلاص يا ماهر انا اسف وبعدين انا برضوا دمي حامي مبعرفش اسكت علي اي اهانه تتوجهلي فكفاية اوي لحد كده النهارده؟

ماهر قرب منه وقال: اسمعني كويس يا ابن اختي دا هيكون اخدر تحذير ليك ولو عملت اي حاجه تانيه متعجبنيش اعتبر نفسك بره ومش بره هنا بس لا بره من مصر خالص انت فاهم؟

حمزه بصله بصدمه وماهر خرج وسابه وهوا قرب من الباب وقفله بغضب وقرب تاني من الحيطة وخبط عليها بقوه وقال بغضب:مش همشي يا ماهر،… دموعه نزلت وكمل كلامه بزعل وقال: انا هفضل هنا ومهما تحاول تثـ،ـير غضبي برضوا مش همشي انت فاهم..

وقف حمزه ضـ،ـرب في الحيطه لما ايديه جابت د*م فبص لنفسه في المرايه بغضب وقال: انا مش همشي وهفضل هنا وانا مش شبههم انا زيك انا نضيف يا خالي انا مش شبههم !

خلص كلامه وقرب من السـ،ـرير رمي جسـ،ـمه بتعب وبص للسقف وقال: مش هسيبك لوحدك يا ماهر؟

__________

في غرفة ماهر كان بيدخـ،ـن سيجـ،ـارته بكل غضب بسبب استهتار حمزه دايما ووضـ،ـع نفسه في مشـ،ـاكل وهو عارف ومتاكد ان لولا وجوده كان زمان حمزه دلوقت في السجـ،ـن مع البلطـ،ـجية والمجـ،ـرمين وهو مش شبههم فحاول يهدي من اعصابه علشان ميتعبش اكتر لحدما فجاه جت في دماغه احلام وهيا بتقول اسمها للظابط وقد ايه كان واضح ان اسمها مش غريب عليه فردده في دماغه لحدما فجاه افتكر صاحبة نفس الاسم فقال بتساؤل:معقول تكون هيا؟

يتبع بقلمي شيماء صبحي

متنسوش تعملوا متابعه لصفحتي الرئيسية يا حلوين ❤️

تفتكروا بق كده أحلام وماهر هيتقابلوا تاني ولا ايه????❤️ لو لقييت تفاعل يرضيني هنزلكم بارت هديه يلا عاوزه اشوف التفااعل يا حلويين ????

#حبيبي_المدير

#الكاتبة_شيماء_صبحي

4 من 4التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى